काठमाडौं । काठमाडौंको चन्द्रगिरीमा सुमो दुर्घटना भएको छ ।
काठमाडौंबाट चित्लाङतर्फ जाँदै गरेको ना १ ज ६२६१ नम्बरको सुमो चन्द्रगिरी नगरपालिका– ४ मा दुर्घटनाग्रस्त भएको जिल्ला प्रहरी परिसर काठमाडौंले जनाएको छ ।
प्रहरीका अनुसार गाडी तातेपछि चालकले सबै यात्रुलाई बाहिर निकालेका थिए । उकालो ठाउँमा रहेकाले गाडी केही बेरमा ब्याग हुँदै भिरबाट तल खसेको हो ।
दुर्घटनामा मानवीय क्षती नभए पनि सुमो क्षतीग्रस्त भएको प्रहरीले जनाएको छ ।
