काठमाडौं । राष्ट्रिय पुरुष फुटबल टोलीको मुख्य प्रशिक्षकमा हरि खड्का नियुक्त भएका छन् ।
अखिल नेपाल फुटबल संघ (एन्फा) ले आगामी नोभेम्बरमा हुने एएफसी एसियन कप छनोटको खेलका लागि हरि खड्कालाई प्रमुख प्रशिक्षकको जिम्मेवारी सुम्पिएको हो ।
राष्ट्रिय टिमको जिम्मेवारी सम्हाली रहेका मुख्य प्रशिक्षक म्याट रसले बिहिवार राजीनामा दिएपछि रिक्त प्रमुख प्रशिक्षकको पदमा खड्का नियुक्त भएका हुन् ।
खड्का हाल एन्फामा प्राविधिक निर्देशकको रुपमा कार्यरत छन् ।
