काठमाडौं । दोस्रो संस्करणको नेपाल प्रिमियर लिग (एनपीएल) का लागि सुदूरपश्चिम रोयल्सले अष्ट्रेलियाका ब्याट्सम्यान जोस ब्राउनलाई अनुबन्ध गरेको छ ।
बिग बास लिग (बिबिएल) मा उत्कृष्ट प्रदर्शन गरिसकेका ब्राउनले टी– २० क्रिकेटमा ४० खेल खेल्दै ९४५ रन बनाएका छन् । उनले टी– २० क्रिकेटमा सर्वाधिक १४० रन बनाएका छन् ।
ब्राउनले बिबिएलमा आफ्नो बेग्लै छाप छोडेको र नेपालमा पनि उनको उत्कृष्ट प्रदर्शन हुनेमा आफू विश्वस्त रहेको सुदूरपश्चिम रोयल्सका कार्यकारी अधिकृत (सीईओ) प्रकाश खड्काले बताए ।
