काठमाडौं । नेपालले वेस्ट इन्डिज ‘ए’ लाई ४ विकेटले हराएको छ। कप्तान रोहित पौडेलको शतक प्रेरित खेलमा नेपाल २ बल अगावै नेपालले रोमाञ्चक जित हात पारेको हो।
वेस्ट इन्डिजले दिएको २०५ रनको लक्ष्य नेपालले १९.४ ओभरमा पूरा ग¥यो । नेपालका कप्तान रोहित कुमार पौडेलले ११२ रन बनाएर आउट भए । त्यस्तै नेपालका दीपेन्द्र सिंह ऐरीले २४ रन, कुशल मल्ल र कुशल भुर्तेलले १६–१६ रन र अनिल साहले ५ रन बनाए।
अन्तिम ओभरमा गुल्शन झाले २ चौका प्रहार गरेपछि नेपालको जित सुनिश्चित बनेको थियो। झाले अविजित ९ रन र प्रतिश जिसीले एक चौकासहित ५ रनमा अविजित रहे।
त्रिवि क्रिकेट मैदानमा टस जितेर पहिला ब्याटिङको निम्तो पाएको वेष्टइण्डिज ए ले निर्धारित २० ओभरमा ५ विकेटको क्षतीमा २०४ रको योगफल तयार गरेको थियो । वेष्टइण्डिजका कप्तान रोस्टन चेले सर्वाधिक ७४ रनको योगदान दिए ।
ओपनर एलिक एथानाले ४७, आन्द्रे फ्लेचरले १३ र केसी कार्टीले ३८ रन जोडे । बलिङतर्फ नेपालका कमलसिंह ऐरी, दीपेन्द्रसिंह ऐरी, रोहित पौडेल र अभिनाश बोहराले १/१ विकेट लिए ।
