काठमाडौं । पाकिस्तानको राजधानी इस्लामाबादमा जिल्ला अदालत भवन बाहिर मंगलबार भएको आत्मघाती बम विस्फोटमा कम्तिमा १२ जनाको मृत्यु भएको छ भने २७ जना घाइते भएका छन् ।
वर्षौंपछि शहरमा भएको यस्तो पहिलो आक्रमणले धेरै सरकारी कार्यालयहरू रहेको क्षेत्रमा मानिसहरू आतंकित भएर भागेका छन्।
पाकिस्तानी गृहमन्त्री मोहसिन नक्कीले आत्मघाती आक्रमण गरिएको र उक्त आक्रमणमा परी अहिलेसम्म १२ जनाको मृत्यु भएको र करिब २७ जना घाइते भएको जानकारी दिएका छन् ।
घटनाको जिम्मेवारी भने हालसम्म कसैले नलिएको र यस विषयमा थप अनुसन्धान भैरहेको गृहमन्त्री नक्कीले बताए । पाकिस्तानी प्रधानमन्त्री शेहबाज शरीफले भने भारतद्वारा समर्थन प्राप्त “आतङ्कवादी प्रतिनिधिहरू” हरुले विस्फोट गराएको आरोप लगाएका छन् ।
यता भारतको राजधानी दिल्लीस्थित लाल किल्ला नजिकै सोमबार कार विस्फोट भएको थियो । जसमा कम्तीमा १० जनाको मृत्यु भएको थियो भने २४ जना घाइते भएका थिए ।
