यूएईलाई ४४ रनले पराजित गर्दै नेपालले एसीसी प्रिमियर कप क्रिकेटको उपाधि जितेको छ ।
मलेसियामा शनिबार भएको फाइनल खेलमा यूएईलाई ४४ रनले पराजित गर्दै नेपालले उपाधि उचालेको हो । यो सँगै नेपालले २०२७ मा बंगलादेशमा हुने एसीया कपमा स्थान बनाएको छ ।
पहिला ब्याटिङ गरेको नेपालले दिएको ३१४ रनको लक्ष्य पछ्याएको यूएईले ४९.२ ओभरमा अल आउट हुँदै २६८ रन मात्रै बनायो ।
यूएईका लागि राहुल चोपडाले शतकीय पारी खेले, उनी १०० रनमा नटआउट रहे । शोहैब खानले ५२, तनिश सुरीले ४२ र हरप्रित सिंहले ३३ रन जोडे ।
बलिङतर्फ नेपालका करण केसीले सर्वाधिक ३ विकेट लिए भने ललित राजवंशीले २ विकेट लिए । त्यस्तै कप्तान सन्दीप लामिछाने, गुल्सन झा, रोहित कुमार पौडेल र बसिर अहमदले समान एक–एक विकेट लिए ।
यस अघि नेपालले निर्धारित ५० ओभरमा ९ विकेटको क्षतीमा ३१३ रनको योगफल तयार गरेको थियो ।
नेपालाई बलियो लक्ष्य तर्फ डोहोर्याउन ओपनर आशिफ शेखले उत्कृष्ट शतक प्रहार गरे । १०६ बलेको सामना गरेका आशिफले ४ छक्का र ८ चौकाको मदतमा १०२ रन जोडे । त्यस्तै नेपालका लागि गुल्सन झाले विस्फोटक अर्धशतक प्रहार गरे ।
गुल्सनले ५२ रन बनाउँदा अर्का ओपनर अर्जुन कुमालले ४३, रोहित पौडेलले ४०, दीपेन्द्र सिंह ऐरीले १८ र बसिर अहमदले १५ रनको योगदान दिए ।
बलिङतर्फ यूएईका इबराद अहमदले सर्वाधिक ४ विकेट चट्काएउँदा खुजैना तनविरले २ तथा हैदर अली र आदिव उस्मानीले समान एक–एक विकेट लिए ।
