काठमाडौं । भदौ २३ र २४ गते भएको जेनजी आन्दोलन घटनाको जाँचबुझका लागि बनेको आयोगले निवर्तमान प्रहरी महानिरीक्षक (आईजीपी) चन्द्रकुवेर खापुङलाई विदेश भ्रमणमा रोक लगाइएको छ ।
आज बसेको बैठकले आयोगको स्वीकृति बेगर काठमाडौं उपत्यका छोड्न नपाउने गरी रोक लगाउने निर्णय भएको आयोगका सदस्य एवम् प्रवक्ता विज्ञानराज शर्माले जानकारी दिए । खापुङ आजदेखि सेवादेखि निवृत्ति भएपछि नयाँ आईजीपी दानबहादुर कार्कीले दर्ज्यानी चिन्ह लगाएका छन् ।
नेपाल प्रहरीका महानिरीक्षक खापुङलाई भाद्र २३ र २४ गतेका घटनाको छानबिन तथा जाँचबुझको लागि कुनै पनि समयमा यस आयोगमा उपस्थिति हुनुपर्ने हुँदा आजैदेखि लागू हुने गरी उनको विदेश भ्रमणमा रोक लगाउने निर्णय भएको विज्ञप्तिमा उल्लेख गरिएको छ ।
