काठमाडौं । नेपाल प्रिमियर लिग (एनपीएल) को उद्घाटन खेलमा काठमाण्डू गोर्खाजले साविक विजेता जनकपुर बोल्ट्सलाई ५ विकेटले पराजित गरेको छ ।
त्रिवि क्रिकेट मैदानमा आज भएको उद्घाटन खेलमा पहिला ब्याटिङ गरेको जनकपुर बोल्ट्सले निर्धारित २० ओभरमा ६ विकेटको क्षतीमा १३० रनको योगफल तयार गरेको थियो ।
१३१ रनको लक्ष्य पछ्याएको काठमाण्डू गोर्खाजले १२ बल बाँकी छदै लक्ष्य पूरा गर्यो । ब्याटिङतर्फ काठमाण्डू गोर्खाजका बिजी चाल्सवर्थले सर्वाधिक ४६ रनको योगदान दिए । २३ बलको सामना गरेका उनले ५ चौका र ३ छक्काको मदतमा ४६ रन जोडेका हुन् ।
त्यस्तै आकाश त्रिपाठीले त्रिपाठीले ३९ र मिलिन्दा कुमारले १८ रन जोडे । बलिङतर्फ जनकपुर बोल्ट्सका जान निकोल लोफ्टी(इटन, ललित नारायाण राजवंशी र सञ्जय कृष्णमुर्तीले समान एक–एक विकेट लिए ।
पहिला ब्याटिङ गरेको जनकपुरका लागि ओपनर आशिफ शेखले उत्कृष्ट अर्धशतक प्रहार गरेका थिए । ४१ बलको सामना गरेका आशिफले ५४ रन बनाए । लाहिरु मिलान्थाले ७ रन जोडेका थिए ।
बलिङतर्फ काठमाण्डूका करण केसी, शाहव आलम र सन्तोष यादवले समान एक–एक विकेट लिएका थिए ।
