काठमाडौं । नेपाल प्रिमियर लिग (एनपीएल) मा पोखरा एभेन्जर्सविरुद्ध लुम्बिनी लायन्स ३ विकेटले विजयी भएको छ ।
पोखराले दिएको १५१ रनको लक्ष्य पछ्याएको लुम्बिनीले ७ विकेटको क्षतीमा ३ बल बाँकी छदै लक्ष्य पूरा गर्यो । लुम्बिनीका लागि कप्तान रोहित कुमार पौडेले सर्वाधिक ४० रनको योगदान दिए ।
निरोधन डिक्वेलाले ३७ रन बनाउँदा सन्दीप जोरा २५ रनमा नटआउट रहे भने गुल्बदिन नाइबले १७ रन बनाए । त्यस्तै रुवेन ट्रम्पल्इन १७ रनमा अविजित रहे । बलिङतर्फ पोखराका लागि म्याट टेयलर, विपीन खत्री र सागर ढकालले समान २–२ विकेट लिए भने जिम्मी निशले एक विकेट लिए ।
यो सँगै लुम्बिनीले लगतार तेस्रो हारपछि जित निकालेको छ भने पोखराले लगातार तेस्रो हारको ब्यहोरेको छ ।
यस अघि त्रिवि क्रिकेट मैदानमा टस हारेर पहिला ब्याटिङको निम्तो पाएको पोखराले निर्धारित २० ओभरमा ५ विकेटको क्षतीमा १५० रनको योगफ तयार गरेको थियो । पोखराका लागि ओपनर एडम वासिङटन र जिम्मी निशमले उत्कृष्ट ब्याटिङ गरे ।
एडमले ६३ बलमा ८१ रनको अर्धशतकीय इनिङ खेले, ३३ रनमा ४ विकेट गुमाएको पोखरालाई एडम र निशमले प्रतिस्पर्धात्मक लक्ष्यतर्फ अगाडी बढाए । ३२ बलको सामना गरेका जिम्मीले ५१ रनमा अविजीत रहे । दिनेश खरेलले ७ बनाउँदा कप्तान कुशल भुर्तेल डक आउट भए भने सुमित वर्मा ० र तिर्थ दास १ रनमा आउट भए ।
बलिङतर्फ लुम्बिनीका शेर मल्ल र तिलक भण्डारीले समान २–२ विकेट लिए भने गुल्ददीन नाइवले १ विकेट लिए ।
