काठमाडौं । जापानकी परराष्ट्रमन्त्री नेपाल भ्रमणमा आउने भएकी छन् ।
जापानको परराष्ट्र मन्त्रालयका अनुसार परराष्ट्रमन्त्री याको कामीकावाले आगामी साता नेपालको भ्रमण गर्ने तय भएको छ ।
परराष्ट्रमन्त्री कामीकावाले यही बैशाख १४ देखि २४ गते सम्म मदगास्कर, आइभोरी कोस्ट, नाइजेरिया, फ्रान्स, श्रीलंका र नेपालको भ्रमण गर्ने परराष्ट्र मन्त्रालयले जनाएको छ ।
६ वटा राष्ट्रको भ्रमणमा निस्कनु अघि परराष्ट्रमन्त्री कामीकावाले एक पत्रकार सम्मेलनमा ग्लोबल साउथ र सात राष्ट्रहरुको समूह लगायत समान विचारधारा भएका देशहरुबीच आपसी सम्बन्ध विस्तारमा सेतुको रुपमा काम गर्ने बताएकी छन् ।
