काठमाडौं । नेपाल प्रिमियर लिग (एनपीएल) मा अपराजित रहँदै प्लेअफमा पुगेको सुदूरपश्चिम रोयल्सलाई विराटनगर किंग्सले ब्रेक लगाएको छ ।
आज त्रिवि क्रिके मैदानमा सुदूरपश्चिमले दिएको १४८ रनको लक्ष्य विराटनगरले ११.५ ओभरमा ४ विकेटको क्षतीमा लक्ष्य पूरा गर्यो । यो जितमा विराटनगरका ओपनरद्धय फाफ डु प्लेसिस र साम हिजटेलले आक्रामक अर्धशतक प्रहार गरे ।
सामले सर्वाधिक ५१ र डु प्लेसिसले ५० रन बनाए भने मार्टिन गप्टीलले २२ र प्रतिशक जिसी १३ रनमा अविजित रहे ।
बलिङतर्फ सुदूरपश्चिमका अविनाश बोहोराले २ र अर्मित सिंहले एक विकेट लिए । यस अघि पहिला ब्याटिङ गरेको सुदूरपश्चिमले निर्धारित २० ओभरमा ६ विकेटको क्षतीमा १४७ रनको योगफल बनाएको थियो।
सुदूरपश्चिमका लागि आरिफ शेखले सर्वाधिक ४५ रनको योगदान दिए भने कप्तान दिपेन्द्र सिंह ऐरीले १९ रन बनाए । त्यस्तै ईशान पाण्डेले ३८ रन जोडे भने जोन ब्राउनले २४ र विनोद भण्डारीले १५ रन बनाए ।
बलिङतर्फ विराटनगरका लागि कप्तान सन्दीप लामिछानेले सर्वाधिक ३ विकेट लिए भने प्रतिश जिसीले २ र बसिर अहमदले एक विकेट लिए ।
यो जितसँगै अब एनपीएल दोस्रो सिजनको प्लेअफको समिकरण पनि पूरा भएको छ । सुदूरपश्चिम र विराटनगरबीच आउने मंगलबार पहिलो क्वालिफायर हुनेछ । यस खेलको विजेता सिधै फाइनल पुग्नेछ । यस्तै काठमान्डु गोर्खाज र लुम्बिनी लायन्सबीच एलिमिनेटर बुधबार हुनेछ । यस खेलको विजेता दोस्रो क्वालिफायरमा पुग्नेछ भने पराजित टोली बाहिरिनेछ ।
