काठमाडौं । लुम्बिनी प्रदेशबाट राष्ट्रिय सभा निर्वाचनमा एमाले–कांग्रेस र जसपा गठबन्धनले जितेको छ ।
आइतबार साँझ मतदानपछि भएको मतगणना सकिएकोमा महिलातर्फ गठबन्धनबाट एमाले उम्मेदवार रामकुमारी झाक्री, अपाङ्गतर्फ कांग्रेसका बासुदेव घिसिरे ‘जंगली’ र अन्यमा नेपाली कांग्रेसकै चन्द्रबहादुर केसी निर्वाचित भएका छन् ।
निर्वाचन अधिकृतको कार्यालयका अनुसार झाक्रीले ६ हजार ३०३ मतभार प्राप्त गरिन् । त्यहाँ नेपाली कम्युनिष्ट पार्टीका दुर्गा भण्डारीले एक हजार ३६२ र राष्ट्रिय जनमोर्चाकी पद्मा पण्डितले १४२ मतभार प्राप्त गरिन् ।
अपाङ्गतर्फ जंगलीले ५ हजा ३२२ मतभार प्राप्त गरी विजयी भए । नेकपाका सजन विकले एक हजार ६०१ मतभार प्राप्त गरे । त्यस्तै अन्य कलस्टरमा पनि लुम्बिनीबाट नेपाली कांग्रेसकै चन्द्र बहादुर केसी निर्वाचित भए ।
केसीले ५ हजार ९७७ मतभार प्राप्त गरी विजयी हुँदा नेकपाका बृहस्पति अधिकारीले १ हजार ८३२ मतभार प्राप्त गरे ।
