काठमाडौं । गृहमन्त्री सुदन गुरुङले पदबाट राजीनामा दिएका छन् । 

विवादित व्यवसायीसँग विभिन्न सेयर कारोबारमा मुछिएको र अस्वभाविक रुपमा सम्पत्ति विरणदेखिएपछि विवादमा तानिएका गृहमन्त्री गुरुङले चौतर्फी आलोचना भएपछि प्रधानमन्त्री बालेन्द्र शाह समक्ष राजीनामा बुझाएका हुन् । 

सामाजिक सञ्जाल फेसबुकमार्फत् गुरुङले राजीनामा दिएको जानकारी गराएका छन् । नागरिक स्तरबाट आफ्नो शेयर लगायतका विषयमा उठेका प्रश्न, टिप्पणी र जनचासोलाई आफूले गम्भीर रूपमा लिएको उनले बताएका छन् । 

आफ्ना लागि पद भन्दा ठूलो नैतिकता र जनविश्वास भन्दा अर्काे कुनै शक्ति नहुने उनको भनाई रहेको छ । आफूसँग सम्बन्धि विषयमा निष्पक्ष छानबिन होस् र पदमा रहँदा स्वार्थको द्धन्द्ध नदेखियोस् भनेर राजीनामा दिएको उनले उल्लेख गरेका छन् । 

प्रधानमन्त्री बालेन्द्र शाहले आफू नियुक्त भएकै दिन मन्त्रीपरिषद् गठन गरेका थिए । सोही दिन गृहमन्त्रीको शपथ खाएका सुदन गुरुङले सुरुमा पूर्वप्रधानमन्त्री केपी ओली, तत्कालीन गृहमन्त्री रमेश लेखकसहितलाई पक्राउ गरेर चर्चा समेत कमाएका थिए । 

तर सरकारले मन्त्रीपरिषद्का सदस्यको सम्पत्ति विवरण सार्वजनिक गरेसँगै गुरुङको अस्वभाविक सम्पत्ति विरणबारे चौतर्फी आलोचना सुरु भएको थियो भने पछिल्लो समय उनी विचौलीय दीपक भट्टसँगको सम्बन्ध र विवादीत सेयर खरिद प्रकरणमा विवादमा तानिएका थिए । 

चौतर्फीको राजीनामाको दबाब बढेपछि उनले आज प्रधानमन्त्री बालेन्द्र शाहलाई भेटर राजीनामा बुझाएका हुन् । 

यस्तो छ उनको भनाईः 

म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु। पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।
मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको Gen Z  आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ।मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो। 
त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest नदेखियोस र  त्यसमा कुनै असर नपरोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।
मैले आफ्नो तर्फबाट नैतिक जिम्मेवारी निर्वाह गरेको छु। अब मेरो अपिल छ, प्रिय सञ्चारकर्मी मित्रहरू, आम नेपाली दाजुभाइ, दिदीबहिनी र युवाहरू, यदि हामी साँच्चै परिवर्तन चाहन्छौँ भने सत्य, इमानदारी र आत्मशुद्धिको बाटोमा सबै उभिनैपर्छ।कति मिडियाकर्मी साथी हरु को कहा कहा स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ।
For my country and For the respect of our security forces and For the youths of Nepal.