काठमाडौं । कान्तिपुर पब्लिकेसनका अध्यक्ष कैलाश सिरोहियाविरुद्ध पक्राउ पुर्जी जारी भएको छ ।
प्रहरी उच्च स्रोतका अनुसार जिल्ला अदालत धनुषाबाट सिरोहियाविरुद्ध पक्राउ पुर्जी जारी भएको हो ।
सिरोहियाले दोहोरो नागरिकता लिएको भन्दै जिल्ला अदालतका न्यायाधीश चित्रबहादुर गुरुङको इजलासले सिरोहियाविरुद्ध पक्राउ पुर्जी जारी गरेको हो ।
सिरोहियाले एक विज्ञप्ति जारी गर्दै २०३६ सालमा १८ वर्ष पुगेर पहिलो नागरिकता लिएको र त्यस्तै २०५७ सालमा त्यसको प्रतिलिपी लिएको तर दुईवटा नागरिकता नलिएको दाबी गरेका छन् ।
उनले सहकारी ठगी सम्बन्धी समाचारलाई रोक्न ब्ल्याक्मेलिङ गर्न र मूल मुद्दा विषयान्तर गर्न आफूविरुद्ध उजुरी गर्न लगाएर सोधपुछ समेत नगरि पक्राउ पुर्जी जारी गरिएको बताएका छन् ।
आफू विरुद्ध दोहोरो नागरिकता लिएको जाहेरी परेपछि सिरोहियाले सर्वोच्च अदालतमा निषेधको आदेशको माग गर्दै रिट दर्ता गरेका थिए ।
