काठमाडौं । कान्तिपुर पब्लिकेसनका अध्यक्ष कैलाश सिरोहिया पक्राउ परेका छन् ।
उनलाई प्रहरीको टोलीले केहीबेर अघि थापाथलीस्थित कान्तिपुरको कार्यालयमा पुगेर सिरोहियालाई पक्राउ गरेको हो ।
सिरोहियाले दोहोरो नागरिकता लिएको भन्दै जिल्ला अदालत धनुषाका न्यायाधीश चित्रबहादुर गुरुङको इजलासले सिरोहियाविरुद्ध पक्राउ पुर्जी जारी गरेको थियो । त्यसपछि उनलाई प्रहरीले आज पक्राउ गरेको हो ।
उनले सहकारी ठगी सम्बन्धी समाचारलाई रोक्न ब्ल्याक्मेलिङ गर्न र मूल मुद्दा विषयान्तर गर्न आफूविरुद्ध उजुरी गर्न लगाएर सोधपुछ समेत नगरि पक्राउ पुर्जी जारी गरिएको बताएका छन् ।
आफू विरुद्ध दोहोरो नागरिकता लिएको जाहेरी परेपछि सिरोहियाले सर्वोच्च अदालतमा निषेधको आदेशको माग गर्दै रिट दर्ता समेत गरेका थिए ।
