काठमाडौं । इजरायलले प्यालेस्टिनीमाथि निरन्तर रुपमा गरिरहेको नरसंहार अन्त्यको माग गर्दै काठमाडौंको माइतीघरमा विरोश प्रदर्शन भएको छ ।
विभिन्न अधिकारकर्मी, लेखक, साहित्यकार, कलाकार र विभिन्न क्षेत्रका युवाहरुले सहभागी भएर शनिबार साँझ माइतीघरमा विरोध प्रदर्शन गरेका हुन् । सहभागी भएकाहरुले विभिन्न नारा लेखिएका प्लेकार्ड र ब्यानरसहित प्रदर्शन गर्नुको साथै प्यालेस्टाइनको समर्थनमा दीप प्रज्वलन गरेका हुन् ।
गत अक्टोबर ७ मा प्यालेस्टिनी लडाकु समूह हमासले इजरायलमा आक्रमण गरेयता इजरायलले निरन्तर रुपमा गाजामा आक्रमण गरिरहेको छ । पछिल्ला विवरण अनुसार युद्ध सुरु भएयता गाजामा ३६ हजार मानिस मारिएका छन् ।
अनाहकमा मारिनेमा अधिकांश बालबालिका, महिला र जेष्ठ नागरिक रहेका छन् ।
