काठमाडौं । रुसी सेनामा कार्यरत नेपालीहरुको जीवन रक्षाको माग गर्दै सिंहदरबार अगाडी प्रदर्शन गर्नेहरु पक्राउ परेका छन् ।
रुसी सेनामा कार्यरत नेपालीहरुलाई स्वदेश फर्काउनुपर्ने, मृत्यु भएकाहरुको शव नेपाल ल्याइदिनुपर्ने र उनीहरुको परिवारलाई उचित राहत र क्षतीपूर्ती दिनुपर्ने लगायतका माग राखेर प्रदर्शनमा उत्रिएकाहरु थिए । प्रदर्शनमा उत्रिएका उनीहरुलाई प्रहरीले नियन्त्रणमा लिएको हो ।
सिंहदरबारको दक्षिण गेटमा प्रदर्शनमा उत्रिएका उनीहरुलाई नियन्त्रणमा लिएर सिंहदरबार प्रहरी वृत्तमा राखिएको छ ।
