काठमाडौं । आईसीसी टी– २० विश्वकप क्रिकेट प्रतियोगिता नेपालले नेदरल्याण्ड्सलाई १०७ रनको लक्ष्य दिएको छ ।
अमेरिकाको डालसस्थित ग्राड पेरी क्रिकेट रंगशालामा टस हारेर पहिला ब्याटिङ थालेको नेपाल १९.२ ओभरमा १०६ रन जोडेर अल आउट भयो । नेपालका कप्तान रोहित कुमार पौडेलले ५ चौकाको मदतमा सर्वाधिक ३५ रन बनाए ।
त्यस्तै करण केसीले १७, गुल्शन झाले १४ र अनिल कुमार साहले ११ रन जोड्नु बाहेक अन्य ब्याटरले दोहोरो रन बनाउन सकेनन् ।
बलिङमा नेदरल्याण्ड्सका लागि टिम प्रिन्जल र लोगन भान विकले समान ३ तथा पउल भान मिकेरन र बास डे लिडले समान २ विकेट लिए ।
