दाङ । दाङमा भालुको आक्रमणबाट एक महिला घाइते भएकी छन् ।
घाइते हुनेमा लमही नगरपालिका– ६ छोट्की महरवा निवासी ४७ वर्षीया शोवारी घाइते मगर रहेकी छन् । शोवारी सोही स्थानस्थित कर्री सामुदायिक वनमा च्याउ टिप्ने क्रममा भालुको आक्रमणमा परेकी थिइन् ।
भालुको आक्रमणमा परेकी शोवारीको अनुहारमा चोट लागेको छ भने दुवै हात भाँच्चिएको जनाइएको छ । हातीको आक्रमणबाट गम्भीर घाइते उनलाई लमही अस्पतालमा प्राथमिक उपचारपछि थप उपचारको लागि बुटवल पठाइएको छ ।
आज बिहान साढे ५ बजे जंगल पुगेकी शोवारीलाई च्याउ टिप्ने क्रममा भालुले आक्रमण गरेको थियो । कर्री सामुदायिक वनमा भालुको आक्रमण भएपछि जोडिएको अजम्मरी सामुदायिक वनको प्रवेशमा कडाइ गरिएको छ ।
वनमा जाँदा जंगली जनावरको आक्रमणमा पर्ने सक्ने भएकाले अजम्मरी सामुदायिक वनले नजान अनुरोध गरेको हो ।
