काठमाडौं । प्रधानमन्त्रीबाट पदमुक्त भएका नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आजै बालुवाटार छाडेका छन् ।
बालुवाटारबाट निजी निवास खुमलटार भित्रिएका उनलाई खुमलटारमा पार्टीका नेता कार्यकर्ताहरुले खादा, माला र बाजागाजासहित भव्य स्वागत गरेका हुन् । खुमलटारमा उनलाई स्वागत गर्नको लागि नेता, कार्यकर्ताहरुको भीड लाखेको थियो ।
प्रतिनिधिसभामा विश्वासको मत नपाएपछि प्रधानमन्त्री प्रचण्ड पदमुक्त भएका हुन् । पदमुक्त भएसँगै उनी आज ललितपुरस्थित निजी निवास खुमलटार सरेका हुन् ।
