काठमाडौं । प्रधानमन्त्री केपी शर्मा ओलीले शपथ लिएका छन् ।
आज राष्ट्रपति कार्यालय शितल निवासमा आयोजित एक समारोहमा राष्ट्रपति रामचन्द्र पौडेलले प्रधानमन्त्री ओलीलाई पद तथा गोपनियताको शपथ गराएका हुन् । शपथ ग्रहण समारोहमा पूर्वप्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, प्रधानन्यायाधीश विश्वम्भरप्रसाद श्रेष्ठ, पूर्वप्रधानमन्त्रीहरु सहितको उपस्थित रहेका थिए ।
प्रचण्डले प्रतिनिधिसभामा विश्वासको मत नपाएपछि उनी पदमुक्त भएसँगै राष्ट्रपति रामचन्द्र पौडेलले शुक्रबार नयाँ सरकार गठनका लागि दाबी पेस गर्न आह्वान गरेका थिए ।
ओलीले कांग्रेससहित सांसदहरुको समर्थनमा दाबी पेश गरेपछि उनलाई राष्ट्रपतिले शुक्रबार नै प्रधानमन्त्रीमा नियुक्त गरेका थिए । ओली शुक्रबार प्रधानमन्त्रीमा नियुक्त भएपनि उनले आज शपथ लिएका हुन् ।
