काठमाडौं । मधेश प्रदेश सरकारले नारायणगढ–मुग्लीन सडक अन्तर्गत भरतपुर महानगरपालिका– २९ स्थित सिमलताल पहिरोमा बससहित परेका मधेश प्रदेशका मृतकका परिवारलाई रु एक लाखका दरले राहत दिने भएको छ ।
पहिरोमा परेका मधेश प्रदेशका जिल्लाका मृतकका पीडित परिवारलाई जनही रु एक लाखका दरले राहत उपलब्ध गराइने मधेश प्रदेशका मुख्यमन्त्री शतिशकुमार सिंहले बताए ।
“दुर्घटनामा परी ज्यान गुमाउने पीडित परिवारलाई राहत दिने घोषणा गरेका छौँ । मुख्यमन्त्री कार्यालयले घोषणा गरिसकेको छ,” मुख्यमन्त्री सिंहले भने ।
उनले प्रमुख जिल्ला अधिकारीको सिफारिसका आधारमा उक्त राहत रकम प्रदान गरिने गर्ने बताए ।
