एजेन्सी । वैज्ञानिक पिटर हिग्सको निधन भएको छ । नोबेल पुरस्कार विजेता भौतिकशात्री पिटर हिग्सको ९४ वर्षको उम्मेरमा निधन भएको एडिनवर्ग विश्वविद्यालयले जनाएको छ । एडिनबर्ग विश्वविद्यालयले हिग्सले आफ्नै घरमा अन्तिम सासलिएको जनाएको छ ।
विश्वविद्यालयले हिग्स एक महान शिक्षक, मार्गदर्शक र युवा वैज्ञानिकहरूको पिढिलाई प्रेरित गर्ने वैज्ञानिक भएको बताएको छ ।
पिटर हिग्स गड पार्टीकलको खोजका लागि प्रसिद्ध मानिन्छन् ।
हिग्स बोसोन सिद्धान्तका लागि उनलाई संयुक्त रूपमा नोबेल पुरस्कार दिईएको थियो । बेलायतका हिग्स र बेल्जियम फ्रांस्वा इङ्लर्टलाई संयुक्तरूपमा २०१३ को भौतिकशास्त्र तर्फको नोबेलपुरस्कारबाट सम्मानित गरिएको थियो ।
वैज्ञानिक पिटर हिग्सको जन्म सन १९२९ मे २९ मा बेलायतको न्युक्यास्टलमा भएको थियो ।
