काठमाडौं । सौर्य एयरको विमान दुर्घटनापछि बन्द रहेको त्रिभुवन अन्तर्राष्ट्रिय विमानस्थल खुलेको छ ।
११ बजेर ११ मिनेटमा काठमाडौंबाट पोखराका लागि उडेको सौर्य एयरको विमान उड्ने बित्तिकै दुर्घटना परेको थियो । विमान दुर्घटना भएपछि त्रिभुवन अन्तर्राष्ट्रिय विमानस्थल बन्द रहेको थियो । विमानस्थल बन्द भएपछि उडान र अवतरण प्रभावित भएको थियो ।
विमान दुर्घटना भएको करिब २ घण्टापछि विमानस्थल सञ्चालनमा आएको विमानस्थलका सूचना अधिकारी ज्ञानेन्द्र भुलले जानकारी दिए ।
