काठमाडौं । नक्कली भुटानी शरणार्थी प्रकरणमा पक्राउ परी अनुसन्धानका लागि थुनामा रहेका बेचन झा थुनामै रहेका छन् ।
सर्वाेच्च अदालतले झाविरुद्धको बन्दीप्रत्यक्षीकरणको मुद्दामा कानुन बमोजिम गर्न आदेश दिएको । सर्वाेच्चको यो आदेशसँगै झा थुनामै रहने भएका छन् । न्यायाधीश टेकप्रसाद ढुंगानाको इजलासले बन्दीप्रत्यक्षीकरण निवेदनमा अन्तिम आदेश जारी गर्दै कानुन बमोजिम गर्नु भनि उनलाई रिहाको आदेश दिन अस्वीकार गरेको हो ।
जिल्ला अदालतको अनुमति लिएर अनुसन्धानका लागि थुनामा राखेको देखिएको भनेर सर्वाेच्चले थुनामै राखेर पूर्पक्ष गर्ने जिल्लाको आदेश सदर गरेको हो । झालाई थुनामा राखेर काठमाडौं प्रहरीले अनुसन्धान जारी राखेको छ ।
नक्कली भुटानी शरणार्थी प्रकरणका मुख्य अभियुक्त भनिएका झा असार १४ गते पक्राउ परेका थिए ।
