काठमाण्डौं । नवनियुक्त तीन प्रदेशका प्रमुखले आज पद तथा गोपनियताको शपथ लिँदैछन् ।
मन्त्रीपरिषद्को सिफारिसमा राष्ट्रपति रामचन्द्र पौडेलले बागमतीमा कैलालीका दीपक प्रसाद देवकोटा, लुम्बिनीमा रोल्पाका कृष्ण बहादुर घर्ती मगर र कर्णालीमा बझाङका यज्ञराज जोशीलाई प्रदेश प्रमुखमा नियुक्त गरेका थिए । उनीहरु तीनै जनाको शपथ ग्रहण आज साँझ ५ बजे हुनेछ ।
केन्द्रमा सत्ता समिकरण परिवर्तन भएसँगै नयाँ प्रदेश प्रमुख नियुक्त गरिएको हो । यस अघि बागमती प्रदेश प्रमुखमा एकीकृत समाजवादी निकट यादव चन्द्र शर्मा, लुम्बिनी र कर्णालीमा माओवादी निकट अमिक शेरचन र तिलक परियार थिए ।
राष्ट्रपति कार्यालयले एक विज्ञप्ति जारी गर्दै नेपालको संविधानको धारा १६३ को उपधारा (२) बमोजिम प्रदेश प्रमुख नियुक्त गरिएको जनाएको छ ।
