बागलुङ । बाग्लुङमा पहिरो जाँदा चार घर पुरिएका छन् भने एक जनाको मृत्यु भएको छ ।
बडिगाड गाउँपालिका- ९ स्थित दर्लिङ खोलामा पहिरोले घर पुरिदा १५ वर्षिया विधान परियारको मृत्यु भएको इलाका प्रहरी कार्यालयले जनाएको छ ।
विधानको शव परीक्षणका लागि बुर्तिबाङ स्वास्थ केन्द्र लगिएको छ । बडिगाड गाउँपालिका- १० दर्लिङमा पहिरोमा परि तीन घर पुरिएका छन् ।
विकट स्थानमा पहिरो खसेकाले त्यहाँ पुग्न कठिनाई भएको प्रहरीले जनाएको छ।
