काठमाडौं । नेपाल काभा वुमन नेसन्स लिग भलिबलको फाइनलमा पुगेको छ ।
मंगलबार दशरथ रंगशालामा भएको सेमिफाइनलमा इरानलाई ३-० को सोझो सेटमा हराउँदै नेपाल फाइनलमा प्रवेश गरेको हो ।
नेपालले पहिलो सेट २५-१९ ले जितेको थियो भने दोस्रो सेट २८-२६ ले जितेको हो । दोस्रो सेटमा कुनै समय नेपाल २१–२४ ले पछाडि थियो ।
तर उषा भण्डारीले लगातार तीन अंक ल्याएर नेपाललाई खेलमा फर्काएकी थिइन् । तेस्रो सेटमा पनि नेपालले २५-२० को सोझो जित निकाल्यो ।
यस अघि पहिलो सेमिफाइनलमा श्रीलंकालाई हराएर भारत फाइनलमा पुगेको थियो। अब नेपालले उपाधिको लागि फाइनलमा भारतसँग प्रतिस्पर्धा गर्नेछ ।
