काठमाडौं । नुवाकोटको शिवपुरीमा एयर डाइनेस्टीको हेलिकप्टर दुर्घटना भएपछि आकस्मीक मन्त्रीपरिषद्को बैठक बोलाइएको छ ।
दुर्घटनाको खबर सुनेका प्रधानमन्त्री केपी शर्मा ओलीले दुःख व्यक्त गर्दै आकस्मीक मन्त्रीपरिषद्को बैठक आह्वान गरेका हुन् । दई शातापछि अर्काे हवाई दुर्घटना हुनु दुःखद् भएको भन्दै केही बेरपछि मन्त्रीपरिषद्को आकस्मीक बैठक बसेर आवश्यक निर्णय लिने जनाइएको छ ।
आज शिवपुरीमा एयर डाइनेस्टीको हेलिकप्टर दुर्घटनामा परी पाइलटसहित ५ जनाको मृत्यु भएको छ । यस अघि साउन ९ गते सौर्य एयरको जहाज त्रिभुवन विमानस्थलमा दुर्घटनाग्रस्त हुँदा १७ जनाको मृत्यु भएको थियो ।
