काठमाडौं । महाराजगञ्जस्थित मनमोहन कार्डियोथोरासिस भास्कुलर तथा ट्रान्सप्लपान्ट सेन्टरको छतबाट हाम फालेका युवकको मृत्यु भएको छ ।
मृत्यु हुनेमा गोकर्णेश्वर नगरपालिका ४ बस्ने २१ वर्षीय स्वरुपराज आचार्य रहेका छन् । आचार्यले शनिबार (आज) दिउँसो ३ बजे मनमोहन कार्डियोथोरासिक सेन्टरको छैटौं तलाबाट हाम फालेर घाइते भएका थिए ।
हाम फालेर घाइते भएका आचार्यलाई उपचारको सोही अस्पतालको इमर्जेन्सीमा लगिएको थियो । उपचारको क्रममा उनको मृत्यु भएको प्रहरीले जनाएको छ ।
घटनाको विषयमा आवश्यक अनुसन्धान भैरहेको प्रहरीको भनाई रहेको छ ।
