सुर्खेत । जाजरकोटमा पहिरोले टहरा बगाउँदा एकै परिवारका तीन जना भूकम्प पीडितको मृत्यु भएको छ ।
पहिरोमा पुरिएर मृत्यु हुनेमा नलगाड नगरपालिका– २ माझगाउँका ४२ वर्षीय लालबहादुर परियार, उनकी श्रीमती ३४ वर्षीया मनिषा परियार र २ वर्षीय छोरा शिवम परियार रहेका छन् । आइतबार राती आएको पहिरोले उनीहरु बसेको टहरो बगाउँदा उनीहरुको मृत्यु भएको जिल्ला प्रहरी प्रमुख पुरुषोतम पाण्डेले जानकारी दिए ।
जिल्ला प्रहरी कार्यालय जाजरकोटका अनुसार राती पहिरोमा पुरिएका उनीहरुको शव स्थानीय र प्रहरीले निकालेका थिए । भूकम्पले घर भत्कीएपछि उनीहरु भूकम्प पीडितका लागि निर्माण गरिएको अस्थायी टहरामा बसेका थिए ।
