काठमाडौं । साफ यु– २० च्याम्पियनसिप अन्तर्गत आज भएको दोस्रो सेमिफाइनल खेलमा भारतलाई पराजित गर्दै बंगलादेश फाइनलमा प्रवेश गरेको छ ।
सात दोबाटोस्थित एन्फा कम्पलेक्समा भएको खेलमा बंगलादेशलाई टाइब्रेकरमा भारतलाई ४–३ गोलले पराजित गरेको हो । निर्धारित ९० मिनेटको समयमा दुवै टोलीले १–१ गोलको बराबरी खेलेपछि टाइब्रेकरबाट विजेता टुंगो लागेको हो ।
आइतबार भएको पहिलो सेमिफाइनल खेलमा नेपालले भुटानलाई टाइब्रेकरमै ४–१ गोलले पराजित गरेको थियो । अब उपाधिका लागि घरेलु टोली नेपाल र बंगलादेश भिड्ने भएका छन् । फाइनल खेल बुधवार हुनेछ ।
