काठमाडौं । त्रिभुवन विश्वविद्यालय केन्द्रीय पुस्तकालयले ‘अनुसन्धानात्मक पत्रकारीताका लागि पुस्तकालय’ शिर्षकमा अन्तरक्रिया कार्यक्रमको आयोजना गरेको छ ।
सत्रौं पुस्तकालय दिवसको पूर्वसन्ध्यामा त्रिवि केन्द्रीय पुस्तकालयको आयोजनामा भोली (बिहिवार) दिउँसो १ बजे उक्त अन्तरक्रिया कार्यक्रमको आयोजना गरिएको केन्द्रीय पुस्तकालयले जनाएको जानकारी दिएको छ ।
“निरन्तर शिक्षाका लागि पुस्तकालय” भन्ने नाराका साथ हुन लागेको उक्त अन्तरक्रिया कार्यक्रम त्रिभुवन विश्वविद्यालय केन्द्रीय पुस्तकालय, कीर्तिपुरमा हुनेछ ।
उक्त कार्यक्रममा वक्ताहरु त्रिवि पत्रकारीता तथा आमञ्चार केन्द्रीय विभाग, बल्खुका विभागीय प्रमुख डा. मुकुन्द अर्याल र त्रिवि पुस्तकालय तथा सूचना विज्ञान केन्द्रीय विभाग, कीर्तिपुरकी विभागीय प्रमुख डा. निला न्याइच्याई रहेका छन् ।
