काठमाडौं । नेपाली पारा तेकान्दो खेलाडी पलेशा गोवर्धनले पारा ओलम्पिकमा ऐतिहासिक कांस्य पदक जितेकी छन् ।
पलेशाले पेरिसस्थित ग्राण्ड प्यालेसमा शुक्रबार राती के– ४४ विधा अन्तर्गत महिला ५७ केजी तौल समूहबाट कांस्य पदक जितेकी हुन् । पलेशाले रिपिचेजको दोस्रो खेलमा सर्बियाकी मरिजा मिचेभलाई १५–८ स्कोरले हराएर कांस्य पदक जितेकी हुन् ।
पलेशा नेपालका लागि ओलम्पिक्स र पारालिम्पिक्समा पदक जित्ने पहिलो नेपाली खेलाडी बनेकी छन् । पलेशाले जितेको कास्य पदक नेपाली खेलकुदकै अहिलेसम्मकै सबैभन्दा ठूलो पदक हो ।
