काठमाडौं । नेपाल क्रिकेट संघ (क्यान) ले अभ्यासका लागि श्रीलंका जाने नेपाली क्रिकेट टोलीको बिदाई गरेको छ ।
कप्तान रोहित कुमार पौडेलको नेतृत्वमा श्रीलंका जान लागेको १९ सदस्यीय नेपाली क्रिकेट टोलीलाई क्यानले आइतबार बिदाई गरेको हो । नेपाली टोलीले श्रीलंकामा रहँदा श्रीलंका डेभलपमेन्टसँग तीन वटा एकदिवसीय खेल खेल्नेछ ।
यही सेप्टेम्बरमा क्यानडामा हुन लागेको विश्वकप क्रिकेट– २ सिरिज तयारीका लागि नेपाली टोली श्रीलंका प्रस्थान गर्न लागेको हो । आज क्यानका पदाधिकारीहरुले खादा लगाएर नेपाली क्रिकेट टोलीको बिदाई गरेका हुन् ।
