काठमाडौं । काठमाडौं महानगरपालीकाका मेयर बालेन शाह 'बालेन्द्र) ले प्रधानमन्त्री एवम् नेकपा एमालेका अध्यक्ष केपी शर्मा ओलीलाई प्रदेश सांसद रेखा शर्मालाई कहिले समाउने हो ? भन्दै प्रश्न गरेका छन् ।
सांसद शर्माले बिगत ८ वर्षदेखि एक नाबालिकालाई घरेलु कामदारको रुपमा हिंसा गर्दै आएको र उनले दैनिक रुपमा ती बालिकालाई कुटपिट समेत गर्ने गरेको मेयर शाहले बताएका छन् ।
अदालतले समेत सांसद शर्मा विरुद्ध मुद्दा चलाउ भनेको र काठमाडौं महानगरले दुई महिनादेखि कारबाही अगाडि बढाउनु भन्दा पनि सरकारले पक्राउ नगरेको बालेनले बताए ।
बालेनले सामाजिक सन्जाल फेसबुक मार्फत प्रधानमन्त्री ओलीलाई सुशासन भनेको अदालतले नि समाउ भनेको तपाईंको सांसद रेखा शर्मा जसलाई बाल शोषण गरेको मुद्दा छ उनलाई नसमाउनु भन्नी हो ? भन्दै प्रश्न समेत गरेका छन् ।
बालेनले ओलीलाई लेखेका छन्, "सायद तपाईंको लागि सुशासनको अर्थ सो बालिकाको मृत्यु पछि गोहिको आँसु चुहाएर फेसबुकमा समवेदना दिदै एक लाख घोषणा गर्नु नै होला ।"
हेर्नुहोस मेयर बालेनको स्टाटस:
उहाँ हुनुहुन्छ नेकपा एमालेकी प्रदेश सांसद रेखा शर्मा , वहाँ ले बिगत ८ वर्ष देखी बन्दी बनाएर , एक जना नबालिकालाई घरेलु कामदार को नाममा हिंसा गर्दै आउनु भएको छ, दैनिक रूप मा कुटपिट गर्दै आउनु भएको छ । काठमाडौं महानगर ले बिगत २ महिना देखी कारबाही अगाडी बढाउनु भन्दा पनि यो सरकार ले समाएको छैन । अदालतले पनि मुद्दा चलाउ भनेर भनी सकेको छ । सम्माननिय प्रधानमन्त्री खड्ग प्रसाद ओली ज्यु , सुशासन भनेको अदालतले नि समाउ भनेको तपाईंको सांसद रेखा शर्मा जसलाई बाल शोषण गरेको मुद्दा छ समाउन लाई भन्दछ । सायद तपाईंको लागि सुशासनको अर्थ सो बालिकाको मृत्यु पछि गोहिको आँसु चुहाएर फेसबुकमा समवेदना दिदै एक लाख घोषणा गर्नु नै होला । कहिले समाउने ?? कि नसमाउने ??
