काठमाडौं । नवनियुक्त प्रधानसेनापति महारथी अशोकराज सिग्देलले दर्ज्यानी चिन्ह लगाएका छन् ।
राष्ट्रपति रामचन्द्र पौडेलले सोमबार शितल निवासमा आयोजित एक समारोहमा प्रधानसेनापति सिग्देललाई दर्ज्यानी चिन्ह प्रदान गरेका हुन् । सोही समारोहमा राष्ट्रपति पौडेलले सिग्देललाई प्रधानसेनापतिको पद तथा गोपनियताको शपथा पनि गराए ।
यस अघि भदौ १२ गते राष्ट्रपति पौडेलले आजबाट लागू हुने गरी सिग्देललाई प्रधानसेनापति पदमा नियुक्त गरेका थिए ।
“रामचन्द्र पौडेलज्यूले नवनियुक्त प्रधान सेनापति महारथी अशोकराज सिग्देलज्यूलाई राष्ट्रपतिको कार्यालयमा आयोजित विशेष समारोहमा सैनिक ऐन, २०६३ को दफा ८ को उपदफा (१) बमोजिम नेपाली सेनाको प्रधान सेनापति पदको दर्ज्यानी चिन्ह प्रदान गर्नु भयो,” भनि राष्ट्रपति कार्यालयद्धारा जारी विज्ञप्तिमा उल्लेख गरिएको छ ।
