सुर्खेत । रुकुम पश्चिमको रम्बाखोलामा गएराती आएको बाढीले मोटरसाइकल बगाउँदा चालकसहित दुई जनाको मृत्यु भएको छ ।
मृत्यु हुनेमा जिल्लाको मुसीकोट नगरपालिका वडा नम्बर ४ का ५० वर्षीय सर्जन पुन र वडा नम्बर ६ का ३३ वर्षीय निर्मला थापा रहेका छन् ।
गए राती साखबाट कानियातर्फ जाँदै गर्दा वडा नम्बर ६ र ७ लाई जोड्ने रम्बाखोला तर्ने क्रममा मोटरसाइकल सहित उनीहरुलाई बाढीले बगाएको जिल्ला प्रहरी कार्यालय रुकुम पश्चिमका प्रहरी नायव उपरीक्षक नवराज पोखरेलले बताए ।
प्रहरीका अनुसार मृत दुवै जनाको शव पोष्टमार्टमका लागि जिल्ला अस्पताल सल्ले पठाइएको छ ।
