काठमाडौं । अर्घाखाँचीको शितगंगा नगरपालिका– १२ हिलेखोलामा जिप दुर्घटना हुँदा एक जनाको मृत्यु भएको छ भने ९ जना घाइते भएका छन् ।
मृत्यु हुनेमा अन्दाजी ६५ वर्षीय रामप्रसाद पन्थी रहेको इलाका प्रहरी कार्यालय ठाँडाले जनाएको छ । प्रहरीका अनुसार घाइते ९ जनालाई प्राथमिक स्वास्थ उपचार केन्द्र ठाडाको उपचारपछि थप उपचारको लागि लुम्बिनी प्रादेशिक अस्पताल बुटवलमा रेफर गरिएको छ ।
अर्घाखाँचीको त्रदेवबाट बुटवलतर्फ आउँदै गरेको लु १ ज ७४६३ नम्बरको जिप बुधवार बिहान हिलेखोलामा दुर्घटना भएको प्रहरीले जनाएको छ ।
प्रहरीका अनुसार जिपको ब्रेक फेल भएर दुर्घटना भएको हुन सक्ने अनुमान गरिएको र दुर्घटनाको विषयमा थप अनुसन्धान अगाडी बढाइएको छ ।
