काठमाडौं । नेपाल पत्रकार महासंघ केन्द्रीय समितिको कार्यतालिका प्रकाशित भएको छ ।
पत्रकार महासंघ केन्द्रीय निर्वाचन समिति, २०८१ ले केन्द्रीय समितिको निर्वाचन कार्यतालिका प्रकाशित गरेको हो । प्रकाशित कार्यतालिका अनुसार भदौ २९ गते साँझ मतदाता नामावली प्रकाशन, असोज ४ गते बिहान १० बजेदेखि दिउँसो ३ बजेसम्म उम्मेदवारको मनोनयन दर्ता, असोज ४ गते उम्मेदवारको नामावली प्रकाशन, उम्मेदवार उपरको दाबी विरोध र उम्मेदवारले नाम फिर्ता लिन सक्नेछन् ।
असोज ५ गते उम्मेदवारको अन्तिम नामावली प्रकाशन, असोज १२ गते बिहान ९ बजेदेखि अपरान्ह ४ बजेसम्म मतदान हुनेछ भने मतदान कार्यसकिएपछि सोही दिनदेखि मतगणना हुने जनाइएको छ ।
