एजेन्सी । पाकिस्तानको दक्षिणपश्चिम बलुचिस्तान प्रान्तमा शनिबार भएको बम विस्फोटमा परी दुई प्रहरीको मृत्यु हुनुका साथै अन्य दुई जना घाइते भएको पाकिस्तान प्रहरीले जनाएको छ ।
प्रान्तको कुचलक जिल्लाको बोस्टन रोड इलाकाबाट गइरहेको प्रहरी भ्यानमाथि आक्रमण हुँदा चार प्रहरी गम्भीर घाइते भएका थिए । घाइते मध्ये दुई जनाको जिल्ला अस्पतालमा उपचारका क्रममा मृत्यु भएको अस्पताल स्रोतले जनाएको छ ।
प्रहरीलाई लक्षित गरी विष्फोट भएको र सडक छेउमा राखिएको बममा ८–१० केजी विष्फोटक पदार्थ प्रयोग गरिएको थियो । विस्फोट पछि प्रहरीसहितको उद्धार टोली घटनास्थल पुगेर उद्धार गर्नुको साथै घटनाको विषयमा अनुसन्धान सुरु गरेको थियो ।
आक्रमणको जिम्मेवारी भने कसैले लिएको छैन् ।
