काठमाडौं । सरकारको नीतिगत प्रतिबद्धता तथा दुई पार्टीको साझा संकल्प तयार गर्न गठित कार्यदलले प्रतिबद्धताको मस्यौदा प्रधानमन्त्री केपी शर्मा ओलीलाई बुझाएको छ ।
कार्यदलका सदस्यहरुले बुधवार प्रधानमन्त्री तथा मन्त्रीपरिषद्को कार्यालयमा पुगेर प्रधानमन्त्री केपी शर्मा ओलीलाई सरकारको नीतिगत प्रतिबद्धताको मस्यौदा बुझाएको हो । कार्यदलका सदस्य एवम् नेपाली कांग्रेसका महामन्त्री गगन कुमार थापाले सरकारको नीतिगत प्रतिबद्धताको मस्यौदा प्रधानमन्त्रीलाई बुझाएको जानकारी दिए ।
उनले भने, “हामीले पहिले पहिलो जस्तो साँझा कार्यक्रम भन्दा पनि नाम नै परिवर्तन गरेर नीतिगत प्रतिबद्धता र दुई वटा पार्टीको साँझा संकल्प राखेका छौं । सात बुँदे सहमतिमै टेकेर तयार गरेका छौं । यो पहिले पहिलेको भन्दा एकदमै फरक छ ।”
उनले सरकारको नीतिगत प्रतिबद्धतापत्रमा युवासँग साझेदारी, जलवायु परिवर्तन र नेपालमा केही पनि भएको छैन् भन्ने गलत भाष्य र भ्रमहरुलाई चिर्ने र कांग्रेस र एमाले नेतृत्वको सरकारले गर्छ भन्ने लगायतका विषयमा तयार गरिएको बताए ।
