काठमाडौं । सरकारले सहकारी सम्बन्धी संसदीय विशेष छानबीन समितिको प्रतिवेदन कार्यान्वयन गर्ने निर्णय गरेको छ ।
बुधवार बसेको मन्त्रीपरिषद्को बैठकले संसदीय छानबीन समितिले तयार गरेको सहकारी सम्बन्धी प्रतिवेदन कार्यान्वयन गर्ने निर्णय गरेको हो । यो निर्णयसँगै सरकारले उक्त प्रतिवेदन कार्यान्वयनको लागि गृहमन्त्रालय र सहकारी मन्त्रालयमा पठाएको छ ।
प्रधानमन्त्री केपी शर्मा ओलीले संसदले पठाएको प्रतिवेदन अगाडी बढाएर सिधै मन्त्रालयलमा पठाउने र सम्बन्धित मन्त्रालयले आवश्यक कारबाही गर्ने बताएका बैठकमा सहभागी एक मन्त्रीले बताए ।
सहकारी छानबीन समितिका सभापति सूर्य थापाले सोमबार उक्त प्रतिवेदन संसदमा पेश गरेका थिए । प्रतिवेदन संसदमा पेश भएपछि सभामुख देवराज घिमिरेले आवश्यक कारबाहीका लागि सरकारसमक्ष पठाउन निर्देशन दिएका थिए ।
