काठमाडौं । बिहिवार बिहानदेखि परिरहेको अबिरल वर्षाका कारण काठमाडौं उपत्यकामा मात्रै २१ जनाको मृत्यु भएको छ ।
बाढी/पहिरोमा परेर काठमाडौं र ललितपुरमा ९–९ जना र भक्तपुरमा ३ जनाको मृत्यु भएको उपत्यका प्रहरी कार्यालय रानी पोखरीका एसपी विनोद घिमिरेले जानकारी दिए । उनका अनुसार काठमाडौंमा ८, ललितपुरमा ३ र भक्तपुरमा १ जना घाइते भएका छन भने तीनै जिल्लामा ६ जना बेपत्ता भएका छन् ।
बाढी–पहिरोमा परी हराइरहेकाहरुको खोजी कार्य भैरहेको छ भने ठाउँ–ठाउँमा प्रहरी टोली परिचालन गरिएको छ ।
