हेटौंडा । मकवानपुरको इन्द्रसरोवर गाउँपालिका– ३ स्थित सिस्नेरीमा सञ्चालन गरेको एकेडेमीबाट बेपत्ता भएका ६ विद्यार्थी मध्ये ३ जनाको शव फेला परेको छ ।
शव फेला परेका तीन जनाको सनाखत हुन बाँकी रहेको एकेडेमीका संयोजक सुवासचन्द्र ठकुरीले जानकारी दिए । बिहिवारदेखि परेको अविरल वर्षाका कारण शुक्रबार कुलेखानीको ड्याम खोल्ने जानकारी पाएका उनीहरु बगाउने डरले सुरक्षाकर्मीलाई छलेर सुरक्षीत स्थानतर्फ जाने क्रममा उनीहरु बेपत्ता भएका थिए ।
बेपत्ता भएका ६ मध्ये ३ जनाको शव फेला परेको छ भने अन्य तीन जना अझै बेपत्ता रहेका छन् । इन्द्रसरोवर गाउँपालिका– ३ सिस्नेरी बजारका ३० घर बाढीले बगाएको छ ।
