काठमाडौं । प्रधानमन्त्री केपी शर्मा ओलीले आज (मंगलबार) अपरान्ह्र ४ बजे पत्रकार सम्मेलन गर्ने भएका छन् ।
असोज १० गतेदेखि १२ गतेसम्म अविरल रुपमा परेको वर्षापछि काठमाडौं उपत्यकासहित देशका विभिन्न जिल्लामा धनजनको ठूलो क्षती भएपछि प्रधानमन्त्री ओलीले पत्रकार सम्मेलनमार्फत राहत प्याकेज घोषणा गर्न लागेका हुन् ।
आज प्रधानमन्त्री तथा मन्त्रीपरिषद्को कार्यालय सिंहदरबारमा आयोजित पत्रकार सम्मेलन मार्फत बाढी पहिरोमा डुबानका कारण भएको क्षतीको विवरण समेत सार्वजनिक गर्ने र राहत प्याकेज घोषणा गर्ने तयारी गरेको प्रधानमन्त्रीको सचिवालयले जनाएको छ ।
अमेरिका भ्रमणमा रहेका प्रधानमन्त्री केपी शर्मा ओली सोमबार स्वदेश फर्किए लगत्तै बसेको मन्त्रीपरिषद्को बैठकले बाढी पहिरोका कारण ज्यान गुमाएकाको परिवारलाई जनही २ लाख रुपैयाँ राहत दिने निर्णय गरेको थियो ।
