काठमाडौं । श्री एयरलाइन्सले शुक्रबार (भोली) देखि काठमाडौं–भरतपुर रुटमा उडान भर्ने भएको छ ।
कम्पनीले क्यु ४००–८ को ८० सिटे जहाजबाट उडान भर्न लागेको जनाएको हो । कम्पनीका अनुसार शुक्रबारदेखि चार्टर्ड उडान गरी असोज २३ गतेदेखि नियमित उडान गर्ने तयारी गरिएको छ ।
२३ गतेदेखि नियमित उडान सुरु भएपछि श्री एयरलाइन्सले काठमाडौं–भरतपुर रुडमा नियमित दुई वटा उडान गर्ने छ । काठमाडौं–भरतपुर–काठमाडौं रुपमा हाल एकतर्फी भाडादर ५ हजार ५ सय रुपैयाँ राखिएको छ ।
यो रुटमा हाल बुद्ध एयरले एटिआर– ४२ मार्फत दैनिक ९ वटा उडान भर्दै आएको छ ।
