काठमाडौं । काठमाडौंबाट लमजुङ जाँदै गरेको गाडी नुवाकोटको काफलडाँडामा दुर्घटनामा परेको छ ।
काठमाडौंबाट लमजुङतर्फ जाँदै गरेको सुपर दोर्दीको बा १४ च ३८५५ नम्बरको हायलक्स गाडी आज बिहान नुवाकोटको काफलडाँडामा दुर्घटनामा परेको प्रहरीले जनाएको छ । गाडी सडकबाट करिब ५ सय मिटर तल खसेको र चालकको मृत्यु भएको जनाइएको छ ।
प्रहरीका अनुसार अन्य दुई जना घाइते भएका छन । मृतक चालकको सनाखत भएको छैन् । यही असोज ११ र १२ गते भएको अविरल वर्षाका कारण पहिरो जाँदा नागढुङ्गा तर्फको सडक खण्डमा घण्टौं जाम हुने भएकाले उक्त जाम छल्नको लागि नुवाकोट हुँदै गल्छी निस्किीयर लमजुङ जाने तयारीमा उक्त गाडी थियो ।
उक्त गाडीमा ४ जना पुरुष र २ जना महिला गरी जम्मा ६ जना सवार रहेको प्रहरीले जनाएको छ ।
