तनहुँ । २१ वर्षीया महिलालाई जबरजस्ती करणी गरेको आरोपमा तनहुँबाट एक जना पक्राउ परेका छन् ।
पक्राउ पर्नेमा शुक्लागण्डकी नगरपालिका– १० लामिश्वारा आदर्श टोल बस्ने ४५ वर्षीय दिल बहादुर विक रहेका छन् । उनलाई सोमबार बेलुकी प्रहरीले पक्राउ गरेको हो ।
विकले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बेलचौताराबाट खटिएको प्रहरीले उनलाई पक्राउ गरेको प्रहरीले जनाएको छ ।
प्रहरीका अनुसार यस सम्बन्धमा आवश्यक अनुसन्धान भैरहेको छ ।
