काठमाडौं । राष्ट्रपति रामचन्द्र पौडेलले ‘सार्वजनिक सेवा प्रसारण सम्बन्धी कानूनलाई संशोधन र एकीकरण गर्न बनेको विधेयक’ प्रमाणीकरण गरेका छन् ।
राष्ट्रपति पौडेलले उक्त विद्येयक नेपालको संविधानको धारा ११३ को उपधारा (२) बमोजिम प्रमाणीकरण गरेको राष्ट्रपति कार्यालयका सह प्रवक्ता बसन्त प्रसाद पन्थीले विज्ञप्तिमार्फत जानकारी दिएका छन् ।
उक्त विद्येयक संघीय संसदको दुवै सदनको बैठकबाट पारित भई प्रमाणीकरणको लागि राष्ट्रपति कार्यालयसमक्ष पेश गरिएको थियो ।
